Google Maps to aap sabne use kiya hi hoga, lekin kya aapne kabhi socha hai ki Google Maps road pe hone wale traffic ko kaise track karta hai?
Google Maps sabse pehle 8 Feb 2005 ko desktop ke liye launch hua tha. Pehle ke Google Maps versions sirf traffic sensors ka data use karte the. Yeh sensors government agencies ya private companies ne highways aur main roads pe install kiye the. Sensors radar, active infrared, ya laser radar technology se vehicles ki speed aur size detect karte the aur data directly Google servers ko bhejte the.
Lekin 2009 ke baad kuch changes aaye. Ab humare paas GPS-enabled phones hain, aur Google ko in phones se access milta hai. Jab humare phone ki location on hoti hai, Google uski madad se phone ki location track karta hai. Agar ek road par zyada phones se data milta hai, to Google us road ko yellow ya red highlight kar deta hai.
Google Waze naam ke app ki bhi madad leta hai, jo 2013 mein ek Israeli company ne banaya tha. Users iss app ke through roadblocks ya incidents report karte hain, aur yeh information seedha Google Maps pe update ho jati hai.
Google Maps traffic prediction ke liye historical traffic patterns ko analyze karta hai. Jaise ki, ek pattern yeh dikhata hai ki Northern California ka 280 freeway subah 6-7 baje vehicles 65 mph ki speed se chalti hain, lekin late afternoon mein yeh speed sirf 15-20 mph hoti hai.
Is historical data ko live traffic conditions ke saath combine karke, machine learning se predictions generate kiye jaate hain jo dono data sets par based hote hain. Recently, Google ne DeepMind ke saath partnership ki hai, jo Alphabet ka AI research lab hai, taaki traffic prediction ki accuracy aur improve ki ja sake. DeepMind ke saath partnership se, Graph Neural Networks ka use karke inaccurate ETAs ka percentage kam kiya gaya hai.
India mein bhi Google Waze app se data use karta hai, lekin local incidents aur road conditions ke liye local users ke inputs bhi important hote hain. India ke bade shehron mein Google ne traffic monitoring ke liye local transportation apps aur services ke data ka bhi integration kiya hai.
Google Maps India mein real-time traffic updates ke liye GPS-enabled smartphones se data collect karta hai aur is data ko analyze karke accurate traffic conditions aur ETAs provide karta hai. Is process mein India ke specific traffic patterns aur peak hours ka bhi dhyan rakha jata hai.
Google ne Central Pollution Control Board (CPCB) ke saath partnership ki hai taaki reliable air quality information logon tak pahunchai ja sake. Bengaluru, Chennai, Pune aur Aurangabad mein Environmental Insights Explorer (EIE) ka pilot project shuru kiya hai taaki emissions ko measure kiya ja sake aur reduction strategies develop ki ja sake.
Phir Google iss combined information ko Google Maps ke users ko show kar deta hai aur har second apni information ko refresh karta rehta hai. Toh agar aap kisi bhi long route pe ja rahe hain, to Google Maps se route zaroor check kar lena.
History of google map
Google Maps ki shuruaat ek C++ program ke roop mein hui thi, jo do Danish bhai, Lars aur Jens Eilstrup Rasmussen, aur Noel Gordon aur Stephen Ma ne Sydney-based company Where 2 Technologies ke liye design kiya tha. Yeh company 2003 ke shuruat mein bani thi. Pehle, yeh program users ke liye alag se download karne ke liye design kiya gaya tha, lekin baad mein company ne Google management ko ek purely web-based product ka idea pitch kiya, jisse distribution ka tareeka badal gaya.
October 2004 mein, Google Inc. ne Where 2 Technologies ko acquire kar liya aur is program ko web application Google Maps mein transform kar diya. Is waqt Rasmussen brothers, Gordon, aur Ma ne Google join kiya.
Isi mahine, Google ne Keyhole ko bhi acquire kiya, jo ek geospatial data visualization company thi (jiska investment CIA se tha). Keyhole ka flagship application, Earth Viewer, 2005 mein Google Earth ke roop mein aaya, aur iske core technology ke kuch aspects Google Maps mein integrate kiye gaye. September 2004 mein, Google ne ZipDash ko bhi acquire kiya, jo real-time traffic analysis provide karti thi.
Also read: