Ek camera lene ka plan bna rahe ho, Toh usse phele ye video zarur dekh lena.
DSLR camera advanced technology ka use krte hai high-quality photos aur videos capture krne ke liye. Yeh cameras, purane zamane ke single-lens reflex (SLR) cameras jaise hi kaam karte hain, lekin yahan aapko digital sensors ki help milti hai, jo photos ko capture krna aur bhi easy aur accha banata hai.
DSLR cameras aur normal digital cameras ke beech ka farak unke ‘reflex design’ mein hota hai. Reflex design ka matlab yeh hai ki light, jo lens ke through aati hai, wo pehle ek mirror se takrati hai.
Fir dslr camera mirror light ko camera ke viewfinder aur prism ke paas bhejta hai, viewfinder ka kaam hota hai photo ko frame krna, aur prism ka kaam hota hai light ko ankhon tak pohochana.
Jab aap shutter button dabate ho, toh yeh mirror turant upar uthta hai, aur light directly sensor tak jati hai, jo aapki photo ko digital format mein capture karta hai.
DSLR mein kuch disadvantages hai, jesse ye normal cameras se bhari hote hai jisse inko carry krna thoda difficult hota hai. Inka size bhi ek issue hai, halanki inka size kuch kam ho gaya hai, lekin kuch models ab bhi kaafi bade hote hain, jo travel aur daily use ke liye convenient nahi hai.
DSLR cameras mein moving parts hote hain, jaise photo lete waqt mirror hilta hai, jisse camera ke failure ke chances badh jate hai.
Aur iss camere ka advantage hai, iski impressive picture quality, aur iski lambi battery life.
Baat krte hai ki mirrorless camera, DSLR camera se alag kese hai. Jab aap mirrorless cameras use karte ho, toh aapko optical viewfinder ke bajaye ek small electronic viewfinder milta hai, jo high resolution aur brightness provide karta hai. Electronic viewfinder (EVF) ka fayda yeh hai ki yeh aapko real-time mein photo ke changes dikhata hai.
Jaise hi aap ISO, aperture, shutter speed ya exposure adjust karte ho, aap in changes ko turant dekh sakte ho. Jisse photos click krna aur bhi easy ho jata hai.
Mirrorless cameras ki disadvantages ye hai ki isme mein mirrors na hone ki wajah se, jab aap lens hata te ho, toh sensor dust ke liye exposed ho jata hai, jo dust mirror pe girti thi, ab seedha sensor pe gire gi.
Electronic veiwfinder use krne ki waje se inki battery life bhi kam hoti hai. Mirrorless camera price ke mamle mein bhi DSLR se mehenge hote hai.
Aaj kal ke mirrorless camera systems bohot popular ho gaye hain aur dheere dheere DSLR cameras ko replace kar rahe hai. Market mein AI enabled cameras bhi aa chuke hai jo kaafi ache aur advanced technology ka use krke pics click krte hai, but abhi unka price kaafi zada hai, jo ane wale time mein technology ke sath kam ho sakta hai.
I hope apko inn dono cameras ke baare mein ache se pta chal gya hoga. Dono mein se konsa camera apko lena chahiye vo app apni requirement ke basis pr dekh sakte ho.
History of Digital cameras
Steve Sasson ne 1975 mein Eastman Kodak Co. ke liye duniya ka pehla self-contained digital camera invent kiya, jo photography ka future badal diya aur poori industry ko transform kar diya.
Brooklyn, New York mein palne-badne wale Sasson ka hamesha electronics ke exploration ki taraf rujhan raha. Brooklyn Technical High School se technology mein interest pursue karne ke baad, Sasson ne Rensselaer Polytechnic Institute se electrical engineering ki padhai ki, jahan unhone 1972 mein bachelor’s degree aur 1973 mein master’s degree hasil ki.
1973 mein, Sasson ne Eastman Kodak research laboratory mein position le li, jahan unhe electronics ke saath kaam karne ka mauka mila. 1974 mein, Kodak ke supervisor Gareth Lloyd ne Sasson ko recently created charged-coupled device (CCD) ka evaluation karne ka task diya. CCD ek mechanism hai jo light ko capture karke usable data mein convert karta hai.
Sasson ko complete autonomy di gayi thi innovation karne ke liye, aur unhone apne bachpan ke experiences ko yaad kiya jab unhone electronic parts ko dismantle aur phir se assemble kiya tha. Unhone socha ki electrical pulses ko 2D pattern ke roop mein display kiya ja sakta hai, jaise televisions mein hota hai. Yeh concept ek all-electric camera design mein apply karne ka soch kar, unhone aise device banane ka commitment kiya.
Unki mehnat December 1975 mein rang layi, jab unhone ek device banaya jo Super 8 movie camera lens, 16 nickel cadmium batteries, ek analog/digital converter, ek CCD imaging area array, aur kai dozen digital aur analog circuits ko combine karta tha. Yeh bulky contraption ek image capture kar sakta tha, use electronic signal mein convert kar sakta tha, signal ko digitize kar sakta tha, aur image ko store kar sakta tha. Yeh device duniya ka pehla self-contained digital camera ban gaya.
Jab Kodak film photography market mein dominate kar raha tha, Sasson ne quietly digital camera technology par kaam kiya. 1989 mein, unhone pehla prototype megapixel electronic digital camera develop kiya jo DCT compression aur flash memory cards mein images store karta tha. 1990s mein, Sasson ka kaam Kodak ke liye ek photographic-quality thermal printing system develop karna tha, jiska use aaj bhi self-service imaging kiosks mein hota hai. 2009 mein retire hone se pehle, Sasson ne Kodak ke Intellectual Property Transactions group mein project manager ke roop mein kaam kiya.
Photography ki mass digitization mein unke yogdan ko recognize karte hue, President Obama ne 2009 mein Sasson ko National Medal of Technology and Innovation se nawaza. Additional awards mein National Inventor’s Hall of Fame mein induction (2011), Royal Photographic Society’s Progress Medal (2012), aur National Academy of Inventors mein fellowship (2018) shamil hain.
Also read: