Ajkl face recognition kaafi jagao pe use hota hai. Jese smartphones, airports, aur even schools mein bhi.Apne kabhi socha hai ki ye itni accurately kese ek face ko pehechan leta hai, aur ye kese kaam krta hai. Facial recognition ek biometric identification hai jisme software deep learning algorithms ka istemal karta jo time to time automatically improve hoti rehti hai, individual ke facial features analyze karne aur data store karne ke liye. Phir software photos, videos, ya live captures se various faces ko stored faces ke databases ke saath compare krke verify krta hai.
Jab bhi koi face, camera ke samne aata hai toh, sabse phele ye facial features ko asapas ke environment se alag karta hai, aur frame mein face ki location ko pinpoint krta hai.
Jab face detect ho jata hai, toh ek software facial features ko analyze karta hai. Ye analysis usually face ki geometry pe based hoti hai, jahan face ke various key points measure kiye jaate hai. Jinko landmarks ya nodal points bhi kehte hai. Isme dono eyes ke beech ka distance, jawline ka shape, cheekbone, lips, aur nose jessi cheezo ko dekha jata hai.
Analysis ke baad facial features extract hote hai, jo ek facepoint ya face template banane ke liye use hote hai, ye ek digital map hota hai face ki geometry ka. Uske baad iss faceprint ko known faces ke database ke against compare kiya jata hai.
Ye comparison sophisticated matching algorithms se hota hai jo lighting, facial expressions, aur angles ke variations ko handle kar sakte hai. Uske baad hi face ko recognize krke access provide kra jata hai.
History
Facial recognition technology ne saalon ke dauran kaafi progression dekha hai, lekin 1960s mein yeh technology kaafi primitive thi. Pinkerton National Detective Agency, jo 1850s mein bani thi uska logo unki photos se bana tha jo ek early camera se li gayi thi. Baad mein, England mein jail photography introduce ki gayi, jisse escapees ko track karna aur unke records share karna possible hua.
Technology ke aage badhne ke saath facial recognition ke concepts bhi evolve ho rahe hain. Aam log public places par apni aur dusron ki photos lene lage the kabhi-kabhi bina unki ijazat ke. 20th century ke shuruat tak, ek comprehensive criminal database tayar ho chuki thi aur photos reward posters pe print hone lagi thi.
1967 mein, Woodrow W. Bledsoe ne artificial intelligence develop karna shuru kiya, aur wo is field ke pehle pioneer the.
2001 mein real-time face detection video footage mein possible ho gaya jab Viola–Jones object detection framework launch hua. Paul Viola aur Michael Jones ne face detection method ko Haar-like features approach ke sath combine karke AdaBoost develop kiya, jo first real-time frontal-view face detector tha. 2015 tak, Viola–Jones algorithm ko handheld devices aur embedded systems pe low power detectors ke sath implement kiya gaya. Isse face recognition systems ke practical applications aur user interfaces aur teleconferencing ke naye features mein support mila.
Aaj kal, Ukraine Clearview AI ka facial recognition software use kar raha hai dead Russian soldiers ko identify karne ke liye. Ukraine ne 8,600 searches kiye aur 582 deceased Russian soldiers ke families ko identify kiya. Ukrainian army ka IT volunteer section is software ka use karke deceased soldiers ke families se contact kar raha hai, taaki Russian activities ke bare mein awareness raise kiya ja sake.
Iska main goal Russian government ko destabilize karna hai, jo ek tarah ka psychological warfare bhi ho sakta hai. About 340 Ukrainian government officials paanch government ministries mein is technology ka use kar rahe hain, aur yeh spies ko track karne ke liye bhi use hota hai jo Ukraine mein enter karne ki koshish karte hain.
Clearview AI ka facial recognition database sirf government agencies ke liye available hai jo is technology ko law enforcement investigations aur national security ke context mein use kar sakti hain. Clearview AI ko Ukraine ko donate kiya gaya. Russia bhi is software ka use anti-war activists ko track karne ke liye kar raha hai.
Clearview AI originally US law enforcement ke liye design kiya gaya tha, aur iska war mein use naye ethical concerns raise karta hai. London based surveillance expert Stephen Hare ko is baat ki chinta hai ki shayad yeh Ukrainians ko inhuman banaye, aur Russian logon ko yeh message de ki Ukrainians lawless aur cruel hain.
Also read: